CHRAMUS vel CHRAMNUS

CHRAMUS, vel CHRAMNUS

fil. Clotatii I. ex Chunsena, a patre in Aquitaniam missus, ita impotenter se gessit, ut a subditis coram Rege accusaretur. Citatus, arma sumpsit, missisque contra se Chariberto et Gontrano fratribus imposuit, Patrem contra Saxonas periisse mentitus. Hinc illis recedentibus, Cabillonem cepit, et Parisiis, Childeberto patruo, tactis Euangeliis, iuravit, nullam sibi unquam cum Patre pacem fore, quam tamen mox, Childebertô mortuô, iniit. Verum, iterum rebellis, in Britanniam se ad Conoberum Principem recepit, cum quo a Patre victus, cum uxore Calta, filia Wilicheri, Ducis Aquitaniae, et filiabus combustus est. A. C. 560. Saevus inprimis in Dei Ministros. Gregor. Turonens. l. 4. Aimoin. l. 2.